Haur Hezkuntzako ikasleentzako 250 metro koadroko espazio berria sortu dute bioeraikuntza ereduari jarraituz. UKnaturako kideen laguntza izan dute.

Imagen 5

Eraikinen isolamendu naturala zelan egin, umeen autonomia bultzatu, elkarlana sustatu… Proiektuan guraso eta irakasleek bat egin dute. 0-2 urte bitarteko 39 umerekin estreinatuko dute haur eskola ikasturte honetan.

UKnatura kooperatiba elkarte bat da bioeraikuntzaren eta ingurumenaren arloan ikastaroak antolatu eta proiektuak martxan jartzen dituena.

Elorrioko Txintxirri ikastolako haur eskola berria material naturalekin eraiki dute. “Egitura egurrezkoa da, Egoinek egin du. UKnatura iparraldeko eta mendebaldeko hormak egiten ari da, hotzenak direnak, lastoz isolaturik. Kareagaz errebokoak egingo ditugu”, azaldu du Anboto aldizkarianUKnaturako biologoa den Irune Uriartek.

Auzolanean egin dute haur eskola. Lehenengo ikastaro bat antolatu zuten eta jendea gogoz zegoela ikusita aurrera egin zuten proiektuarekin. “Obra mota honetan jendearen parte-hartzea bultzatu gura dugu, bakoitzak bere proiektua aurrera eramateko. Obra konbentzionaletan zailagoa izaten da. Gainera, bertako materiala erabilita, ez da hainbeste diru behar. Hori bai, ahalegin handia egin behar da”, azaltzen du Uriartek.

 

Albistearen eta argazkiaren iturria hemen.