Entzumena galtzeak atzeratu egin dezake gorreria edo hipoakusia sintomak garaiz detektatzen ez zaizkien haurren ikaskuntza. Haur baten hizkuntza-garapenari eragin diezaioke, diagnostiko goiztiarrik egin ez eta ondorioz, tratamendu egokia jartzen ez bazaio.
Haurrei entzumen-azterketa bat goiz eginez gero, entzumen-galera garaiz detektatu dakieke eta horrek haur horiek bizitza betea izateko aukera eman dezake; izan ere, erabakiak hartu eta entzumen-ezintasunari lehenbailehen erantzuteko aukera ematen du.
Entzumen-urritasuna izan eta tratamendu egokia jasotzen duten haurrak eragozpenik gabe entzuten duten beste haur batzuekin eskolara joan daitezke, beren ikaskuntza-prozesuan desberdintasunik izan gabe.
Inolako zalantzarik gabe, entzumen-urritasunak eragina du jarduera sozialean eta akademikoan, eta autoestimuari eta garapen emozionalari eragiten die.

Entzumen-galerarekin lotutako sentimenduak
Entzuteko gaitasunak, aukera ematen digu gizarte-jardueretan parte hartzeko. Entzumen-desgaitasuna duten haurrek arazoak izan ohi dituzte hizketa garatzeko, trebetasun hori entzundakoa errepikatzeko jardueran oinarritzen baita.

Tratatu gabeko entzumenaren galerarekin batera, sarritan errendimendu akademiko eskasa izaten da, eta horrek errendimendu profesional txarragoa ekar dezake, ondorioz, enplegu-aukerak murriztuz.
Komunikazio-mugek eragindako eta aztarna psikologiko ezabaezinak utz ditzaketen sentimendu negatiboen artean, honako hauek daude: Ezintasuna, bakardadea, antsietatea, haserrea, estresa, frustrazioa, errefusatzea…

Hipoakusiaren ondorioak zehazteko faktoreak
Hipoakusia duen haurraren entzumenaren kalitatea hobetzea ahalbidetzen duten hezkuntza bereziko premiak edo belarrirako gailu motak, adin goiztiarrean egindako diagnostiko batetik sortzen dira. Diagnostiko honen baitan, audiometria proba bat ere aurkitzen da.

Hala ere, entzumenaren garapenaren jarraipena adina kontuan hartu gabe egin behar da, entzumena galtzeak haurrengan dituen ondorioak hainbat faktoreren araberakoak baitira:


  1. Entzumen-galtzea agertzen den adina
    Bizitzako lehen hiru urteak funtsezkoak dira hitz egiten ikasteko. Haurra gorreriarekin jaiotzen bada, edo handik hilabete gutxira agertzen bazaio, eragin negatiboa oso handia da, gaitasun horren garapenean zuzeneko eragina duelako.

    2. Detektatzeko eta esku hartzeko adina
    Hipoakusia 3 hilabete bete baino lehen detektatu beharko litzateke, eta tratamendua 6 hilabete bete baino lehen hasi, entzumen-defizitaren ondorioak saihesten ahalegintzeko.

    3. Entzumenaren galera-maila
    Arina (26 eta 40 dezibel artean) edo sakona (80 dezibeletik gora) izan daiteke. Lehenengo kasuan, zaila egiten da ingurune zaratatsuetan edo beste pertsonak oso poliki hitz egiten duenean entzutea. Bigarrenean, soinu indartsuak bibrazioak bezala sentitzen dira. Horregatik, entzumenaren galera-maila sakona bada, ondorioak larriagoak izan daitezke.

    4. Ingurunea

Adingabea maila pertsonalean zein sozialean osotasunez garatzeko beharrezko gaitasunak sortzeko, hainbat faktore hartzen dira kontutan. Besteak beste, familia-ingurune orekatua eta baketsua, diagnostikoetarako eta tratamenduetarako laguntzak eskuratzeko aukera ematen duen osasun-sistema, hezkuntza-sistema inklusiboa, eta laguntza etengabea ematen duen gizartea.

Ikaskuntzaren, hizkuntzaren eta hizketaren garapenean duen eragina
Haurren entzumen-alterazioek diziplina anitzeko esku-hartze goiztiarra eskatzen dute, haien ikaskuntzaren hainbat esparrutan inpaktu negatiboak saihestu nahi badira.

Haurraren ahozko hizkuntzaren garapenaren atzerapenak, bere bizitzako alderdi hauei eragiten die:
• Pentsamendu logikoa eta arrazionala.
• Memoria garatzea.
• Irakurtzeko gaitasuna.
• Ikaskuntza eta errendimendu akademikoa.

Hizkuntzaren garapenean dituen ondorioak:

1. Hiztegia:
• Motelago garatzen da.
• Hitz zehatzak ikastea (katua, jauzia, gorria) errazagoa da hitz abstraktuagoak ikastea baino (lehen, gero, ezberdina)

• Aditzeko zailtasunik ez duten ikaskideen eta lagunen hiztegi- aberastasunarekiko dagoen aldea nabarmenagoa da denborarekin.


2. Esaldien egituraketa:
• Esaldi laburragoak ulertzen eta egituratzen dira.
• “S” hizkiaz amaitutako hitzak ondo ez entzutean, arazoak sor daitezke plurala erabiltzean.


Entzumen-laguntzen onurak
Audifono gisako soluzioak erabiltzeak abantaila paregabeak ematen ditu, entzumen-desgaitasuna duten ikasleen eta entzuteko arazorik ez duten ikaskideen jarduna orekatu dezaketelako.
Abiapuntu hobea eta lagungarriagoa da hizketaren eta hizkuntzaren garapenean eta haien inplikazio emozional eta sozialetan eragin horien berri izatea. Izan ere, detekzio goiztiarrari eta diziplina anitzeko esku-hartze egokiari dagokion garrantzia emanez, erabateko bizitza berma dakiekelako entzumen-desgaitasuna duten haurrei.