Azken egunetan bolo-bolo dabil Twitterreko @JudgeTheZipper erabiltzaileak duela urtebete argitaratu zuen txioa. Hasi baino lehen, aipatu behar da kontratua faltsua dela. Epaile batek bere alabari idatzitako kontratua du oinarri eta bertan zehazten dira mugikorra erabiltzeko bete behar dituen neurriak. Guztira 10 puntu jasotzen ditu eta horietakoren bat ez betetzeak gailua kentzea eraman dezake. Hauxek dira kontratuak jasotzen dituen baldintzak:

  1. Mugikorra ez da zurea, aita eta amarena da, beraiek baitira mugikorra erosi eta Internet oraintzen dutenak.
  2. Hortaz, edozein momentutan eskatu diezazukegu gailua eta edozein aplikaziotan begiratu zer dagoen. Horregatik, pasahitz guztiak ezagutu behar ditugu.
  3. Sare sozialen aplikazioak deskargatzeko guk eman behar dizugu baimena, eta kasu horretan, baldintzak zehaztuko ditugu. Horietako bat izan daiteke, elkarbanatutako kontua izatea.
  4. Adostutako orduetara mugatuko da erabilpena.
  5. Ezin duzu birbidali beste haurrentzat iraingarria den mezurik. Halako mezuren bat jasoz gero, beti jakinarazi behar diguzu.
  6. Mugikorra ezin da eskolara eraman.
  7. Mugikorra ezin da erabili gosaltzen, bazkaltzen eta afaltzen.
  8. Gauetan, mugikorra gelatik kanpo utzi beharko da. Iratzartzeko erabili iratzargailu arrunta.
  9. Arau hauek beste gailuen erabileran ere aplikatzen dira.
  10. Arau horietakoren bat betetzen ez bada, telefonoa kenduko da aldi baterako. Ez-betetzea errepikatuz gero, telefonoa behin betiko kenduko da.

Halako egoeraren aurrean, erabiltzaileen artean, iritzi ezberdinak irakur daitezke, batzuk ez datoz bat formarekin –dialogoaren garrantzia eta aldeko jarrera erakusten dute–, baina mugak jartzearekin ados daude erabilpen handia egiten dutelako. Halako kontraturen bat sinatuko zenukete seme-alabekin? Nola kontrolatu daiteke gailuen erabilera?

Iturria: @elblogdemama