Save The Children erakundeak berriki egindako ikerketa batek atzeman du EAEko neska-mutikoak 12-13 urterekin hasten direla pornografia ikusten. Nerabeen artean galdeketa eginda iritsi dira ondorio horretara.

Bestelako adierazgarri ugari jasotzen ditu egindako txostenak. Doako webguneak dira pornografiarako sarbide nagusiak eta hamar nerabetik hiruk dio pornografiak eragin handia edo nahiko handia duela bere sexu harremanetan. Bestetik aldea dago mutila edo neska izan; izan ere, hamar mutiletik bederatzik ikusi du noizbait pornografia, eta nesken artean erdiak.

Txostena osorik dago eskuragarri hemen. Bertan, Save the Children erakundeak hainbat gomendio ere egiten ditu: administrazioei, nerabeei, familiei, hezkuntza eta akademia esparruetako profesionalei, osasun arloko profesionalei zein gizarteari.

Familiei zuzendutako gomendioak

  • Debekatzea ez da irtenbidea. Ez da beldurrik izan behar, ikasteko borondatea izan behar da soilik. Familiek lagundu egin behar diete seme-alabei. Pentsamendu kritikoa garatzen laguntzen badiegu, eta elkarrizketa eta konfiantza inguru bat sortzen badugu, hor egon ahal izango dugu gehien behar gaituztenean, eta, aldi berean, dagozkien ezagutzak eta autonomia emango dizkiegu.
  • Hezi berdintasunean eta aniztasunaren errespetuan oinarrituta.
  • Ezagutu haien interesak, kezkak, non eta nola jartzen diren harremanetan, etab.
  • Konfiantzazko pertsona heldu batekin sexualitateari buruzko zalantzak eta jakin-nahiak partekatzeko aukera eman.
  • Baimenak edo onespenak duen garrantzia balioestea, bereziki sexu-harremanetan, eta duen garrantzia ematea, gizartean bizi garen pertsona askeak garen heinean.
  • Aniztasunari, genero-berdintasunari, elkarrenganako errespetuari eta abarri buruz bakoitzak duen pertzepzioa landu.
  • Norberaren eta besteen lehentasunak, gorputzaren autonomia eta baimen edo adostasuna balioetsi.
  • Etapa bakoitzean haur eta nerabeek erakusten duten sexualitatearekiko interesa eta izaten dituzten afektuzko harremanak naturaltasunez hartu eta landu.
  • Teknologiak, Internet eta sare sozialak ikuspegi positiboarekin hartu eta landu, Interneten erabilera segurua eta arduratsua bermatzeko.
  • Sortu elkarrizketarako espazioak, zer gustatzen zaien, zerk kezkatzen dituen eta abar kontatzeko eroso sentiaraziko dituztenak.
  • Erakutsi pornografiaren errealitatea eta mitoak, eta jarri haien eskura sexualitateari buruz ikasteko dituzten beste aukerak batzuk.
  • Izan eredugarri: pertsona helduak ere elkarrekin bizi gara, harremanak ditugu, etab. Gogoratu: beti ari gara hezten, baita ezer egiten ez dugunean ere.