Ederra da umeekin sukalde lanetan jardutea. Maddi Artzamendi bergarrarrak ondo daki hori eta gurinezko gailetak egiteko proposamena luzatzen digu gaurkoan. Errezeta erraza eta dibertigarria. Jaitsi fitxa eta piztu labea! (Iturria: Puntua)
Proposamen gehiago aurki ditzakezue Artzamendiren blogean: Labea Piztu.
Prestaketa
1. Masa egin
Gurina eta azukrea irabiatu –osagaiak giro-tenperaturan egotea komeni da–. Nahastuta daudenean, arrautza gehitu eta jarraitu irabiatzen. Gehitu irinaren erdia, guztiz nahastu arte.
2. Masa film gardenarekin estali
Irinaren beste erdia gehitu daukagun masari eta eskuekin nahastu. Eginda dagoela ikusiko dugu eskuetara ez denean itsasten. Film gardenarekin estali eta utzi hozkailuan ordubetez.
3. Forma eman eta egosi
Labea piztu 170 graduan. Masa arrabolaz ondo zabaldu, zentimetro erdiko lodiera emanda, eta gustuko formetan moztu moldeak erabilita. Aukeratu egin nahi ditugun formak eta moztu moldeak erabilita –edalontzia ere erabil daiteke molde moduan–. Labeko erretiluan (bandeja) papera jarri eta gainean gaileta-masa. 15-20 minutuz egosi.
4. Dekoratu eta listo!
Atera labetik eta utzi erretilu batean hozten. Horren ondoren, dekoratu, azukrea, txokolatea… erabilita. 
Iruzkin 1 "Errezeta: gurinezko gailetak"