Gomendagarria da turroia jan aurreko egunean egitea, gogortzeko denbora izan dezan.
Ezer baino lehen, turroiaren oinarria egiteko, 230gr txokolate eta 160gr esne kondentsatu egosi behar dira bainu mariatan. Txokolatearen kakao maila norberaren gustuen araberakoa izan daiteke, beltzenetik hasi, eta esneduneraino, baina edonola ere, ezinbestekoa da, urtu ahala, pixkanaka eta era uniformean nahastea.
Behin bi osagaiak nahastuta, aurrez zuritu eta zatitutako intxaurrak gehitu behar dira, 70gr gutxi gorabehera. Gainera, intxaurrekin egin beharrean, beste fruitu lehor batzuk ere gehitu dakizkioke txokolateari.
Azkenik, nahasketa laberako paperez estalitako molde batera bota eta hozten utzi behar da, guztiz gogortu arte.