Errezeta erraza eta goxoa etxekoek barazkiak gustura jateko. Ordubeteko lana izango da kalabazin pastela prestatzea.
Osagaiak
- molde bat
- hostopila (pizzaren masa edo hojaldrearena)
- hiru tipula ertain, txiki-txiki eginda
- bi kalabazin, garbiak eta zatituta
- hiru koilara oliba olio
- baratxuri bat txiki-txiki eginda
- hirugiharra zati txikitan
- eskukada bat gazta xehatua
- edalontzi bat esne-gain likidoa
- gatza
Kalabazin pastela egiteko pausoak
Lapiko batean olioa berotuko dugu eta bero dagoenean gehituko ditugu baratxuria, hirugiharra, tipula eta gatza. Utziko ditugu su txikian egin arte. Prest dagoenean gehituko ditugu kalabazin zatiak eta beste 30 minutuz utziko dugu guztia su txikian. Amaieran, igo egingo dugu sua karamelatzeko.
Itxaroten dugun bitartean moldea prestatuko dugu. Koipeztatu egingo dugu eta hostopilarekin estaliko dugu. Barazkiak gertu daudenean nahasketa hostopilaren gainean zabalduko dugu. Esne-gain likidoarekin estaliko dugu guztia eta gainetik gazta xehatua botako dugu.
Prest izango dugu labean 200 gradutara. Bertan sartu pastela. Kalkulatuko ditugu 15 bat minutu.
Onena da pastela bero dagoela zerbitzatzea. Labetik zuzenean mahaira.
Errezeta eta argazkia hemen.