Hostore-orea, azukrea, labea eta 30 minutu beharko ditugu umeekin palmeratxo goxoak egiteko. Errezeta oso erraza da.
Hostore-orea osorik zabalduko dugu mahaiaren gainean. Kiribildu egingo dugu (haurrek alde batetik, gurasoek bestetik). Forma luzea hartuko du. Orduan, labana hartu eta ebaki egingo dugu orea pare bat zentimetroko zatiak eginez. Zati bakoitzari punta zabalduko diogu alde batean.
Palmeratxo guztiak ebakita daudenean, labean jarriko ditugu bata bestearen ondoan, baina zentimetro bateko distantziarekin.
Labea jarriko dugu (180 graduko tenperatura- 20 minutu). Ateratakoan utzi hozten. Plater batean jarri eta nahi beste azukre bota gainetik.