Erronka berri bat: kultura aniztasunean irakastea

Donostiako Irakasleen Unibertsitate Eskolako irakaslea da Blanco Olalde, eta kultura aniztasunak irakaskuntzara ekarri dituen aldaketak aztertzen dihardu doktore-tesian. Dio erronka berri baten aurrean gaudela, eta argi dauka erronka horri aurre egiteko baliabide gutxi ditugula oraindik ere. Aniztasuna arazo gisa ikusi beharrean, baloratu eta gauza positibotzat hartu behar dugula dio. Horretarako, estereotipoez jabetu eta horiek gainditzea beharrezkotzat jotzen du.

Korrelazio ilusorioak

Ohikoak dira gure gizartean ondorengo estereotipoak: ikasle etorkinen errendimendu baxuagoa da, familia etorkinek hezkuntzarekiko interes falta agertzen dute, etorkinekin ikasiz gero emaitza akademikoak txarragoak dira… Estereotipo horiek txiki-txikitatik garatzen ditugu, eta konturatzeke. Korrelazio ilusorioak direla dio Olaldek, eta kezka sortzen dutela irakasleen artean. “Aldaketa orokorrak behar dira”, azaltzen du. “Hezkuntza komunitateko partaide guztiek hartu behar dute parte: irakasleek, ikasleek, familiek…”. Jakinarazi du Garatu programan aniztasuna bideratzeko ikastaroak eskaintzen dituztela.

Albistearen iturria hemen

Argazkiaren iturria hemen