Debagoieneko Gurutze Gorriak Eskola Arrakasta proiektua martxan jarri du Bergaran. Proiektu honen helburua da, baztertze arriskuan dauden haurren bizi-kalitatea hobetzea, beraien eskola-zereginetan lagunduz. Horretarako, eskola-arrakasta lortzeko eragiten dieten beste alderdi batzuk lantzen dituzte: higienea, elikadura, ikasketa-ohiturak, trebetasun sozialak, etab.

Gurutze Gorriko Elena Ibarrondok adierazi du oso balorazio positiboa egiten dutela ‘Eskola Arrakasta’ proiektuaren lehen hilabeteaz.

Saioak ostegunero egingo dituzte

Proiektua, momentuz, bederatzi umeekin abiatuko dute; izan ere, Gizarte Zerbitzuek  ikastetxeekin koordinaturik identifikatu dituzte egitasmo honetan parte har dezaketen umeak. Saioetan ikastetxetik ekarritako zereginak, talde dinamikak eta irakurketa landuko dituzte.

Boluntario beharra

Debagoieneko Gurutze Gorritik adierazi dute, proiektu hau burutzeko boluntario beharra dagoela. Hala, interesa duten pertsonek 943 76 55 76 telefonoan edo altodeba@cruzroja.es eska dezakete informazio gehiago.