Argazkietan Haitz Juaristi, Oxel Uriarte

Hilabete honetan sinpletasunaren aldarria egin nahi dugu. Txapak apaindu, geure egin eta hauekin kalean jolasteko gonbidapena egin nahi dizuegu. Behin txapak apainduta, kaleak okupatzeko garaia izango da, zirkuituak, txapelketak, hiru lerroan…

Materiala

Freskagarrien txapak.

Rotulkiak, guk harriak margotzeko erabili ditugu.

Klariona (kalean jolasteko)

Pausuak

  1. Txapak eskuratu, Taberna, gaztetxe… batean eskatu ditzakezue.
  2. Bakoitzak bere txapak apaindu ditzala, ondo bereizi zein den bakoitzarena …
  3. Txapa kolekzioa osatu
  4. Kalera irten eta jolaserako zirkuituak margotu
  5. Betiko jolasak dira, ziur lagunak hurbilduko zaizkizuela.

Txapekin kale jolas ugari egin ditzakegu, galdetu aitona amonei eta okupa ditzagun kaleak jolaserako! Txapa lasterketa Zirkuituan egiteako jolasa proposatzen dizuegu guk, besterik ezagutzen duzue??


Txapa-lasterketen zirkuitua


Klarionaz edo makilaz margotu behar dugu, aukeratutako eremuaren arabera. Bi lerro paraleloko zirkuitua da, nahiko luzea eta bihurgune asko dituena. Irteerako marra eta helmuga sartuko ditugu bertan. Jokalari bakoitzak bere txaparekin marraztutako zirkuitua zeharkatu behar du. Txapa mugitzeko modua atzazalarekin jotzea da, hatz lodiarekin edo erdikoarekin  zehaztasun eta indar handiagoa izateko.
Zirkuituko irteerak berriz hastearekin zigortzen dira. Txapa batzuk beste batzuekin talka egin dezakete, beste parte-hartzaileak zirkuitutik ateraraziz.
Dibertigarriagoa izan dadin, trazaduran estuguneak, jauziak, tunelak, debekatutako eremuak eta zuloguneak sartu ditzakegu. Jokalariek irteera-lerroan kokatzen dituzte txapak eta txanda bakoitzeko jaurtiketa bat izaten dute. Helmugara iristen denak irabazten du.