Hemen duzue modu errazean eta azkarrean egiteko moduko eskulana. Egin ostean, gainera, zuen psikomotrizitatea proban jartzeko aukera izango duzue. Alaitz Jauregik Antzuolako Xinkona dendatik bidalitako proposamena da. Milesker!

Materiala

• Arroza.
• Koloretako puxikak. • Botila bat.
• Inbutu bat.
• Guraizeak.

Nola egin

  1. Bota arroza botila barrura. Inbutuaren laguntzarekin bete botila arrozarekin. Botila lagungarria izango zaigu ondoren puxikak arrozarekin betetzeko.
  2. Jarri puxika botilaren muturrean. Ez da ariketa erraza, baina lor daiteke. Laguntza behar baduzue, eskatu.
  3. Bete puxika arrozarekin. Irauli botila, eta puxikaren barrura joango da arroza. Neurtu kantitatea; izan ere, arroz kopuruaren araberakoa izango da, amaieran, malabarren tamaina.
  4. Puxikaren kirtena moztu. Kontu handiz egin beharreko pausoa da honako hau. Kirtenak traba egiten digu eta korapilorik egin gabe moztea komeni da. Kontuz, beraz, arroza kanpora irten gabe!
  5. Nahi beste puxika ipini gainean. Hurrengo pausoa da nahi beste puxikarekin ixtea malabarra. Trinkotu ere egingo du horrela.