Itxialdi egunak ditugu hauek eta hasi besterik ez omen dira egin. Etxean gauden familia guztientzat eskulan proposamenak egiten saiatuko gara tarte honetan.

Gaurkoan Bergarako Izerder Eskulanak tailerretik datorkigu maskara koloretsua eta bizia egiteko proposamena.

Beharko dugun materiala

  • Kartoizko platera.
  • Koloretako lumak.
  • Kartoi mehea.
  • Margoak.
  • Pintzela.
  • Errotuladorea.
  • Guraizeak.
  • Kola.
  • Goma elastikoa.

Nola egin

1. Maskararen oinarria eta lumak prestatu

Plateraren atzeko aldean errotuladorearekin maskararen forma margotu, eta gero, moztu. Era berean, kartoi meheari luma forma eman eta moztu. Sudurra ere prestatu behar da.

2. Maskara margotu

Aukeratu gustuko kolore biziak eta margotu maskara. Begientzako zuloak ere egin behar dira. Koloreei dagokienez, guk laranja eta morea aukeratu ditugu. Pazientziarekin hartu, pintura ondo lehortu behar da eta.

3. Lumak eta sudurra itsasi Kartoi mehearekin egindako lumak aurreko aldetik itsatsi eta gainerakoak atzeko aldetik. Sudurra ere itsasi behar da. Maskara jartzeko bi zulotxo egin alboetan eta ipini goma elastikoa.