Nerea Villaren kolaborazioari esker, zintzilikatzeko laino bat nola egin ikusi ahal izango duzu ondorengo azalpen eta argazkietan.

Materiala

  • Guraizeak
  • Koloretako artilea
  • Koloretako papera, kartulina edo eva goma
  • Kola zuria
  • Errotuladorea
  • Karrozari-zinta
  • Zetazko papera

Nola egin

  1. Kartulina batean hodei bat marraztu eta moztu. Nahi duzun tamainakoa egin.
  2. Koloretako artilea hartu eta moztu. Harietako bati egin korapiloak, desberdina izan dadin, eta gero, jarri lainoan kolore bakoitzeko haria eta itsatsi karrozari-zintarekin.
  3. Koloretako paperetan marraztu eta moztu ur tantak eta izena. Gero, itsatsi tantak harietan eta izena lainoan. Aurretik, lainoan itsatsi zetazko papera zimurtuta, kola zuriarekin.
  4. Lainoaren atzeko aldean itsatsi artile zati bat, atetik edo paretatik zintzilik jarri ahal izateko gero. Zenbat eta zati luzeagoa jarri, orduan eta altuera luzeagoa hartuko du.
  5. Horrelako itxura hartuko du eskulanak. Logelako atean jar daiteke, edo, bestela, pareta batean zintzilik.