Ikusi nahi duzue urak nola bidaiatzen duen edalontzi batetik bestera? Etxean egiteko moduko esperimentu erraza da honakoa. Animatu!

Materiala

  • Bost edalontzi
  • Koloretako hiru likido
  • Sukaldeko papera

Nola egin

1. Prestatu edalontziak. Bete hiru edalontzi eta utzi bi hutsik. Ipini bost edalontziak lerroan, beti ere, betetakoak eta hutsik daudenak tartekatuz. Urari kolorea emateko erabili ditugu garbitzaile bat, haginak garbitzeko aho-irakuzketa, eta koloredun edari bat.

2. Prestatu paperezko zubiak. Bost edalontzi ditugunez lau zubi prestatu beharko ditugu. Zatitu sukaldeko papera eta egin lau txurro.

3. Eraiki zubiak. Iritsi da txurroak edalontzietako uretan sartzeko unea. Edalontzi guztiak konektatu behar dituzue aldamenekoekin sukaldeko paperarekin egindako txurroak erabiliz.

4. Ura pasatzen ikusi. Denboratxo bat itxaron beharko duzue, baina konturatuko zarete nola ura txurroetatik behetik gora mugitzen hasiko den. Tantaz tanta joango dira betetzen hutsik dauden edalontziak.

5. Ur maila parekatuta. Denbora baten buruan urak eten egingo du edalontzi batetik besterako mugimendua. Hori gertatutako da edalontzi guztietan ur maila parekoa denean.