Ur-jolasetarako globoak baino egokiagoak direlakoan, proposatzen ditugu belaki-bolak. Etxean presta daitezke, eta erabilpen bat baino gehiago dute.
Uda sasoian umeei asko gustatzen zaie urarekin jolastea. One Charming Party atarian belaki-bolak proposatzen dituzte. Errazak dira prestatzen eta egokiak jolaserako.
Nola prestatu
Erosi kolore ezberdinetako belakiak edo esponjak. Hiru bat belaki beharko dituzu belaki-bola bakoitzerako. Moztu belakiak tamaina antzerako zatietan eta nahastu koloreak belaki-bola koloretsua izateko. Hartu zati guztiak, estutu eta lotu irudian ikus daitekeen moduan. Lotzeko erabili hortzetako haria. Ondo lotutakoan harrotu belaki zatian.
Prestatu nahi beste belaki-bola eta bota igerilekura edo urez betetako ontzi batera. Ikusiko duzu zein ondo pasako duten umeek.
Eta erabili ostean jaso hurrengorako!
Iturria eta belaki-bolak egiteko pausoak iruditan hemen.