Badatoz Gabonak, eta etxean ukitutxo berezi bat ematea pentsatu dugu. Apaingarri erraz-erraza!

Materiala

  • Eva goma zuria.
  • Feltroa.
  • Guraizeak.
  • Haria.
  • Lazo bat.
  • Errotuladoreak: beltza eta koloretakoak.
  • Kola emateko pistola.

Nola egin

1. Bi borobil egin. Bata Eva gomarekin eta bestea feltroarekin. Feltroarena baino txikiagoa izan behar du Eva gomarenak. Etxeko edozein objektu erabili dezakezue borobil forma eman eta moztu ahal izateko.

2. Marrazki bat egin. Eva goma zatia apaintzeko ordua heldu da. Marrazki erraz bat bilatu. Elur- panpinak, adibidez, errazak eta atseginak dira. Nahi izanez gero, lehenengo arkatzarekin egin eta gero errotuladore beltzarekin errepasatu.

3. Koloreztatu. Guk grisez margotu ditugu elur-malutak, bufanda gorriz, sudurra laranjaz eta kapela berdez. Zuek erabili nahi dituzuen koloreak!

4. Itsatsi bi zatiak. Hari zati bat moztu eta itsatsi feltrozko borobilari.

5. Zatiak lotu. Itsatsi feltrozko eta Eva gomazko borobilak. Goiko aldean, itsatsi lazoa.

Eskulan proposamena: Izeder eskulanak, Bergara.

Iturria: Puntua aldizkaria.