Hogeita bost begiraletik gorako lan talde ederra osatzen du Mutrikuko Txantxangorri Aisialdi Elkarteak. Aisialdira zuzentzen dute beren jarduna, jolaserako guneak eskainiz. Haur eta gaztetxoentzako pentsatutako eta diseinatutako Ekintzen Programaren bidez, aisialdi hezitzailea eskaintzea dute helburu. Jolasaren eta jostailuen bidez, haurra garatzeko helburu zabalagoa lantzen da. 

Apirilaren 4ko eskulana. Argazkia: Txantxanorri Aisialdi Taldea

Konfinamendu egoeran, taldearen web orrialde zein sare sozialetan, ekintza ezberdinak egiteko gidak igotzen dituzte egunero, eguerdiko 12etan. “Itxialdiari aurre egin eta primeran pasatzeko ekintzak antolatzen ditugu egunero: eskulanak, jolasak ipuinak… Ez gara aspertuko!”, diote taldeko kideek webgunean.

Informazio gehiago eskuratzeko: https://txantxangorriaisialditaldea.com/