Euren buruarengan konfiantza izan behar dute seme-alabek

Haurrak heztea ez da beti erraza izaten, baina, ordua heltzen denean, konfiantzaz egin beharreko zerbait da. Maria Jose Roldan psikopedagogo eta hezkuntza bereziko irakasleak honela dio: “Seme-alabak hezteko zure irizpideetan sinetsi behar duzu. Ona da ingurukoek diotena aintzat hartzea, baina haurren heziketari dagokionez, gurasoarena izan behar da azken erabakia”.

Horrez gain, haurrak segurtasuna izan behar duela dio, “bere buruan eta gurasoengan konfiantza izatea”. Gurasoek uneoro haurraren zoriontasuna bilatzen baldin badute, haurrek gurasoak beraietan harro egotea gura dutela dio Roldanek. “Horregatik, zure seme-alabari berataz zein harro sentitzen zaren eta zergatik den esatea garrantzitsua da”.
Etxean komunikazio emozionala eragitea garrantzitsua da hori lortzeko, familiartekoek sentimenduak parteka ditzaten. “Naturaltasunez hitz politak esanez maitasunezko eta afektuzko giroa sortzen da. Gauza positiboak esan egin behar dira, askotan ez dira-eta aintzakotzat hartzen”.

Gauza onek guraso eta seme-alaben komunikazioan presente egon behar dute, autoestimua indartuko baita. “Ez zuzendu uneoro eta utzi gauzak bere kabuz eta konfiantzaz egiten ikas dezala”.

Albistearen eta argazkiaren iturria hemen.