Konfinamendu garaian, hainbat dira gure balkoietara irteten ari diren artistak: pianojoleak, biolinjoleak, abeslariak… Izan ere, musikak erlaxatzen gaitu eta familia osorako jarduera interesgarria dela azaldu dute aditu askok. Euskadiko Orkestrak bat egiten du etxean geratzeko deiarekin, gure herrialdea astintzen duen osasun-larrialdiak irauten duen bitartean, eta konfinamendu-aldi honetarako bere harri-koskorra ekarri nahi du, multimedia edukien bidez.

Euskadiko Orkestraren argazki ofiziala. Argazkia: Euskadiko orkestra

Erakunde publikoek eskatutakoaren ondorioz, eta gizarte-erantzukizuneko printzipio batengatik, osasun-larrialdiko egoera honetan Euskadiko Orkestrak bat egin du etxean geratzeko deiarekin. Apirila amaiera bitarteko kontzertu guztiak bertan behera geratu dira, eta horrek eragina izan du, oraingoz, abonu Denboraldiko hiru programatan (Fantastique, Sheherazade eta Urrezko araua) eta hiru Miramongo Matinéetan (Belharra, Haizea eta pianoa eta Cuivres en Pays Basque). Ez dakite zer eragin izango duen etorkizunean haien Denboraldian, baina horren berri ematen joango dira Euskadiko Orkestraren webgune eta Orkestraren sare sozialen bidez (Facebook / Twitter / Instagram).

Aurrean ditugun konfinamendu-aste zail hauetarako, Euskadiko Orkestrak multimedia-eduki sorta bat jarri nahi izan du erabiltzaileen eta jarraitzaileen eskura. Edukien artean:
-19/20 Denboraldiaren inaugurazio-kontzertua: ‘Zain’.

Konfinamendu egoeran musikaz gozatzea jarduera interesgarria dela diote aditu askok. Eduki, kontzertu eta informazio gehiago eskuratzeko, Euskadiko Orkestraren webgunean sartu.