Ikastolen Elkarteak iragan otsailaren 25ean aurkeztu zuten Bihar endekalogoa. Hamaika oinarri jasotzen dira bertan abiapuntu izan nahi dutenak premiazkotzat jotzen den eta eraikitzeko dagoen Euskal Hezkuntza Sistemaren inguruko debatea abiarazteko.

Bihar ekimenaren baitan antolatu eta egin ditu Ikastolen Elkarteak Piztu Jakin Mina topaketak. Lau saio izan dira. Azkena, hain zuzen ere, asteazkenean ArantzazuLab-en egindako eta streaming bidez zabaldutako mahai-ingurua izan da.

Euskal Curriculuma gai hartuta hiru adituren ekarpenak jaso ziren mahai-inguru horretan.

  • Paul Bilbao, Euskalgintzaren kontseiluko idazkari nagusia.
  • Gurutze Ezkudia Arteaga, Euskal Herriko Unibertsitateko irakaslea eta ikerlaria
  • Eneko Bidegain, Mondragon Unibertsitateko irakaslea eta ikerlaria.

Gaur egungo egoeraren analisia, kontuan hartu beharreko zailtasunak zein oztopoak, eta etorkizunera begirako gakoak eman zituzten hiru adituek.

Saioa osorik dago ikusgai Ikastolen Elkarteko webgunean zein Youtube kanalean.