Haur eta nerabeek zer esan eta zer egin handia dutela sinetsita Haur Hezkuntzan, Lehen Hezkuntzan, Derrigorrezko Bigarren Hezkuntzan, Batxilergoan eta Lanbide Heziketan lantzeko unitate didaktikoak sortu dituzte Ikastolen Elkarteak, Irrien Lagunak eta Urtxintxa Gipuzkoak. “Proposamen didaktikoen erabilera hezkuntza sare osoari helarazi diogu. Euskaraldiarekin bat eginda, ikastetxeetan euskararen bueltako komunitate izaera ere indartzen dela uste dugula. Hori horrela, irakasleei, zuzenean, datorren urteko plangintzetan, material honi leku bat gordetzea ere proposatu diegu”, esan dute Euskaraldiaren antolatzaileek.

Adinaren arabera, helburu ezberdinak lortu gura dituzte unitate didaktikoekin. Haur Hezkuntzako eta Lehen Hezkuntzako ikasleek euskararekin esperientzia aberasgarriak izatea gura dute, eta beraien gurasoekin xaxatxaile papera jokatzea. DBHko eta Batxilergoko ikasleekin lortu gura dute Ahobizi eta Belarriprest izatera hel daitezela. Azkenik, Lanbide Heziketakoek beraien hizkuntza praktikei buruzko gogoeta egitea eta Euskaraldian Ahobizi zein Belarriprest gisa parte har dezatela gura dute.

Ikastetxetik kanpo ere bai

Unitate didaktikoak ikastetxeetan landuak izateko prestatuak izan diren arren, eremu ez-formaletan baliatzeko modukoak ere badira. Helburu nagusia hau da: modu ludikoan edo dinamika egingarrien bitartez, haurrek eta gazteek Euskaraldiaren berri izatea eta euren inguruko helduei ekimenaren berri ematea, xaxatxaile papera beteta. 

Proposamen didaktikoak eskuratzeko aukera hemen