Argitaratu da Euskarazko Produktuen Katalogoaren edizio berria paperean zein Interneten, haurrentzako eta gazteentzako milaka produkturekin. Zorionez, gero eta produktu gehiago egiten dira euskaraz, eta horien aukeraketa bat da Euskarazko Produktuen Katalogoak biltzen duena. Aurtengo paperezko katalogoak 25 orri ditu. Egunotan banatuko dira paperezko edizioko aleak Araban, Bizkaian, Gipuzkoan eta Nafarroan.

Produktu gehiago eta horiei buruzko informazioa katalogoa.eus atarian aurki daitezke.

Bi adin tarte

Oraingoz ia 11.000 produktu inguru biltzen ditu bi katalogoak atal nagusien artean. Paperezko edizioak bezala, katalogoa.eus atariak ere bi atal nagusi ditu: 0-12 urte bitarteko haurrentzako produktuekin osatua bata, eta 12-16 urte bitarteko gazteentzako produktuekin osatua bestea. Eta ez hori bakarrik, atal bakoitzak bere direktorioa du eta, hartara, tipologia bakoitzeko produktuen bilaketa nabarmen erraztu eta hobetzen da produktuak tituluaren, argitaletxearen, autorearen, adin-tartearen edota prezioaren arabera bistara daitezkeelako.

Uneotan 0-12 urte artekoentzako 7.482 produktu jasotzen ditu webguneak eta 12-16 urteko gazteentzako 3.456 produktu.

Webgunea, dena den, maiz eguneratzen da eta eguneratze lan hori urte osoan zehar egiten da. Katalogoa.eus atariak, gainera, aukera ematen du buletinean harpidetzeko eta nobedadeen berri izateko e-posta bidez.

katalogoa_haurrakDeskargatu