Aurtengo urtarrilaren 1etik aurrera jaiotako haurrek 15 hilabete betetzen dituztenean jasoko dute  lehen dosia Osakidetzako osasun-zentroetan, eta bigarrena lau urte betetzean.

241476750_3ea3b9dc81_o-2

Barizelaren aurkako txertoa lehenago emango da Euskal Autonomia Erkidegoan. Horrela eman du jakitera Eusko Jaurlaritzako Osasuneko sailburu Jon Darpónek. Adierazi du neurri hori hartzeko erabakiaren oinarrian Euskadiko Txertaketen Batzorde Aholkulariko adituek, irailaren 3an elkartuta, emandako gomendioak daudela eta haurrentzako txertoen egutegia hobetzeko eta Euskadiko haurrak hobeto zaintzeko helburua dutela.

Gaur egun barizela izan ez duten umeek 12 urterekin jasotzen dute txertoa. Aurrerantzean, 15 hilabeterekin jasoko dute lehen dosia haurrek —2015eko urtarrilaren 1etik aurrera jaiotakoek—, eta lau urerekin bigarrena.

Behin-behinean, egungo egutegiari eutsiko zaio, eta barizelaren aurkako txertoa 10 urte betetzean emango zaie haurrei, harik eta 2015ean jaiotakoek adin hori duten arte.

Txertoaren 30.000 dosi erosteko, 630.000 milioi euro gehiago inbertituko ditu Eusko Jaurlaritzak.

Albistearen iturria hemen.

Argazkiaren iturria hemen.