Arrasate: Ausortu gazteentzako sormen laborategia

Calendar

When:

2021-05-16 all-day

2021-05-16T00:00:00+02:00

2021-05-17T00:00:00+02:00

Ttak-ek eta Txatxilipurdik AUSORTU gazteentzako sormen laborategia antolatu du.

AUSORTU 15 eta 25 urte bitarteko gazteei diziplina artistiko ezberdinetara hurbiltzeko eta horietan trebatzeko eta sormena lantzeko egitasmoa da. Orain arte, arte plastikoak eta musikaren arloa landu izan ditugu, Izaro Andres, Joana Mancisidor, Helena Azkarragaurizar eta Olatz Salvadorren kolaborazioekin.

Ikasturte honetan azaroan antolatu genuen tailerra, baina osasun egoera tarteko atzeratu beharrean izan ginen. Udaberriarekin batera eta osasun neurriak aintzat hartuta, tailerra aurrera eramaten saiatuko gara oraingoan.

Aurtengo sormen laborategia musikaren ingurukoa izango da, praktikatik eta lagunarteko giro atseginetik diziplina honetan barneratzeko aukera izango dute parte hartzen duten gazteek.

Musika laborategia Eñaut Elorrietak dinamizatuko du maiatzaren 16an. Eñaut Elorrieta 1975. urtean jaiotako artista gernikarra da. Ken Zazpi taldearen sortzaile, konposatzaile eta kantaria izan da Eñaut. Noaingo Gayarre eskolan musika eta gitarra klasiko ikasketak egin ondoren, Lugarri folk taldeko kide izan zen leheneik. Ondoren, 1996an, beste jauzi bat eman zuen Ken Zazpiren sorrerarekin. Ibilbide luzea eginzuen talde honekin. 2013an bakarkako bideari ekin zion “Deserriko Kantak” diskoakaleratuz. “Haria Zuzenean” du izena bere bakarkako azken lanak.

Musikagintzaren mapa eta proiektu bat bideratzeko modu ezberdinak. Egitasmo baten diseinua, ariketa praktikoa.
Sorkuntza eta kantuen mekanika: musikatik hitzetara, hitzetatik musikara. Kantuen deseraikuntza eta eraikuntza, ariketa praktikoa.

Sormen laborategi hau modu presentzialean gauzatuko dugu, egun osoko iraupena izango duen tailer baten bidez. Goizez 10:00etatik 13:00etara elkartuko gara eta arratsaldean 15:00etatik 17:00etara jarraituko dugu.