Calendar
When:
2023-02-01 @ 16:30 – 2023-05-29 @ 17:45
2023-02-01T16:30:00+01:00
2023-05-29T17:45:00+02:00
Arrasate: Gurasoentzako Hitzaldi eta Tailerrak (otsailetik aurrera)

Seme-alaben heziketa lantzeko hitzaldi eta tailerrak antolatu ditu Udalak

Gurasoek zortzi hitzalditan eta seme-alaben adinaren arabera sailkatutako hiru tailerretan parte hartzeko aukera izango dute, haur eta nerabeen heziketarako tresnez ahaldundu daitezen. Hitzaldi eta tailerretan izena emateko, bertaratu edo deitu BAZera –943 25 20 00–, edota sartu
izenemateak.arrasate.eus atarian.

Helburua gurasoekin seme-alaben heziketaren inguruan “hausnartzea” da, eta gurasoei “egunerokotasunean sortzen zaizkien kezka eta zailtasunak konpartitzeko guneak eskaintzea”, adierazi dute Arrasateko Udaletik. Alde batetik, zortzi hitzaldi garatuko dira, horietatik lau Gipuzkoako Foru Aldundiko Gazteria Zuzendaritzaren TREBA Gurasoak prestakuntza-ekimenaren baitan. Hitzaldi guztiak 18:00etan izango dira, Kulturateko Areto Nagusian, maiatzekoak izan ezik, 17:30ean izango baitira Jokin Zaitegi gelan.

  • Otsailak 1, eguaztena, Antsietatea ezagutzen. Nola lagundu gure seme-alabei?, Itxaro Beristainen eskutik.
  • Otsailak 9, eguena, Arauak eta mugak familian. Nola ezarri era asertibo batean, Leyre Canok gidatuta.
  • Otsailak 21, martitzena, Seme-alaben autoestimua elikatzen, Nerea Mendizabalen eskutik.
  • Martxoak 28, martitzena, Haur eta nerabeen emozioen bidelagun: nola zaindu seme-alaben emozioak, Leyre Canok gidatuta.
  • Apirilak 26, eguaztena, Internet, pantailak, bideojokoak, sare sozialak… onurak eta gatazkak. Nola kudeatu, Rakel Gamitorekin.
  • Maiatzak 15, astelehena, LGTBIQ+ identitateak haurtzaroan eta nerabezaroan, Udal Sexologia Zerbitzuaren eskutik.
  • Maiatzak 22, astelehena, Nerabeak eta bikote harremanak, Udal Sexologia Zerbitzuaren eskutik.
  • Maiatzak 29, astelehena, Sare sozialak eta sexualitatea, Udal Sexologia Zerbitzuaren eskutik.

Tailerrak, seme-alaben adinaren araberakoak

Bestalde, seme-alaben adinaren arabera gurasoentzako 3 tailer ere eskainiko ditu Udalak:

  • Haziera taldea 0-5 urte: Hezkuntza eta hazkuntzaren inguruko zalantzak argitzeko. Itziar Rosadok eta Jon Urdinetak dinamizatuko dute. Astelehenetan (Otsailak 13, martxoak 6, apirilak 17, maiatzak 8, ekainak 5), 17:30etik -19:30era Txikitxokoan, zaintza zerbitzua eskainiko dute.
  • Gurasotasuna m-z idazten: maitasuna eta mugak: Virginia Belategik dinamizatuko du, eguenetan (Martxoak 2, 9, 16, 13, 30), Kulturateko Loramendi gelan, 6-11 urteko taldea 17:00etatik 18:30era, eta 12-16 urteko taldea 18:45etik 20:15era.
  • Zailtasunei aurre egiten: AGIPAD elkarteak dinamizatuko du, eguaztenetan (Otsailak 1, martxoak 1, 15, 29, apirilak 19, maiatzak 3, 7, 31), Kulturateko Loramendi gelan, 3-11 urteko taldea 17:30etatik 18:30era eta 12-16 urteko taldea 18:45etk 20:15era.

https://guraso.eus/wp-content/uploads/2023/01/Gurasoentzako-hitzaldi-eta-tailerrak.pdf