Calendar
When:
2025-01-14 @ 17:30 – 2025-02-04 @ 20:30
2025-01-14T17:30:00+01:00
2025-02-04T20:30:00+01:00
Donosti: Garunaren funtzionamenduan oinarritutako ikaskuntza (Hik Hasi)

Egunak: 2025eko urtarrilak 14, 21 eta 28 eta otsailak 4

Ordutegia: Astearteak, 17:30-20:00

Lekua: Donostia, EHUko HEFA II.

Dinamizatzaileak: David Castrillo, Lehen Hezkuntzako irakaslea, Neurohezkuntzan sakontze mailako masterra (UB), AFNHn espezializatua (Russell Barkley eskola), haurtzaroarekiko pasioa duena eta bertatik etengabe ikasten saiatzen dena.

Oharrak:

Izena emateko azken eguna:  URTARRILAK 6, astelehena

Izaera: presentziala

Nori zuzendua: gaian interesa duen edonori eta batez ere Lehen Hezkuntzako irakasleei.

Kokapena: Garunari esker ikasten dugu. Hezkuntzan, ordea, organo nahiko ezezaguna da eta irakasleok, orokorrean, bere funtzionamenduari buruzko jakintza eskasa dugu. Garuna hobeto ezagutzeak garrantzi handia du. Leslie Hart-en hitzetan: “Garuna ulertu gabe esperientzia pedagogiko bat diseinatzea, esku bat konprenitu gabe eskularru bat diseinatzea bezala da”. Horren harira, azken urteetan jaiotako diziplina berri  bat dugu: neurohezkuntza. Ez da metodo bat, hezkuntzarekiko begirada berri bat baizik, pedagogiako eta psikologiako jakintzei garunaren funtzionamenduari buruzkoak batzen dizkiona. Diziplinarteko ikuspegia du, beraz, eta helburu nagusia zientzian oinarritutako kultura bat sortzea da, erabaki bat hartzeko garaian ikerketetan eta ebidentzia enpirikoetan oinarrituz. Egun, teknologien aurrerakuntzei esker, organo honi buruzko geroz eta jakintza gehiago lortzen ari gara eta irakasleok arintasun nahikoa izan behar dugu garunarekiko interesa adierazteko eta jakintza berriak geureganatzeko, horrela gure lana hobeto egiteko.

Helburua:

  • Neurohezkuntzan eta ebidentzietan oinarritutako hezkuntzarekiko interesa piztea.
  • Ikasketa prozesuan talka handia eragiten duten estrategiak ezagutzea.
  • Neurodidaktikaren proposamen batzuk ezagutzea, ikasketa esanguratsua lortzeko.

Metodologia: adituaren azalpenen ondotik, parte-hartzaileen solasaldiari emango zaio denbora gehien, haiek izango dute hitza. Taldekideen bizipenek, galderek, zailtasunek eta esperientziek hartuko dute lekua eta partekatzearen ondorioz, denen artean eta adituaren laguntzarekin, gako praktikoak aterako dira.

Partaidetza- eta esperientzia-metodologian oinarrituko da. Errespetuzko, konfiantzazko eta irekitasunezko giroa sustatuko da, parte-hartzaileek askatasunez adierazteko eta elkarrengandik ikasteko aukera izan dezaten.

Oharrak: Plaza mugatuak; hik hasitarrek lehentasuna izango dute. Eusko Jaurlaritzako Hezkuntza Sailak homologatua.

Prezioa: 150€ hikhasitarrek – 175€ prezio arrunta. Ordainketa transferentzia bidez egin behar bada, hauxe da kontu korronte zenbakia. Hala ere, lehenik matrikula orria bete behar da eta jarraian ordainketa egin, kontzeptuan norbere izen-abizenak jarrita. LABORAL KUTXA ES23 3035 0036 15 0360036929