Indarkeria Matxistaren Kontrako Egunean aurkeztu zuten Asun Casasola Ipuin Lehiaketa, bosgarren edizioa. Ez zaude bakarrik lelopean hasi dute aurtengo edizioa eta hau izango da aurkeztuko diren lanek izan beharko duten gaia.

Beste urte batez, “indarkeria matxistarik gabeko jendarte bat irudikatzeko” asmoz antolatu dute ipuin lehiaketa.

Guk, guraso.eus era ekarri dugu guraso eta haurrek elkarrekin gaia lantzeko aukera eskaintzen duelakoan. 10-16 urte bitarteko kategorian parte artzea sustatu daiteke etxean eta gaia haurrekin batera landu.

Nagore Laffageren ama da Asun Casasola eta bere borroka eta kemenari aitortza egiten zaio Asun Casasola Ipuin Lehiaketaren bitartez.

«Sei urteko bide honetan 1000 ipuin baino gehiago batu ditugu. Horrez gain, hirugarren ediziotik aurrera, Gipuzkoako Foru Aldundiari esker, lehiaketa gazteengana hurbildu genuen. 10-16 urte arteko gazteengana zehazki, eta haientzako kategoria berezi bat sortu genuen. Lehiaketaren sail hau bereziki nabarmendu nahi dugu, eta adin tarte horretako nerabe guztiei animatu parte hartzera, indarkeria matxistaren aurkako beraien haurnarketa ipuinetan isladatzera»

Antolatzaileen helburua berdintasunaren aldeko jendartea bultzatzea eta genero indarkeria baztertzea izan da hasieratik.

Aurtengo epaimahaiari dagokionez, ohikoa denez, emakumez osatuta egongo da bere osotasunean.

Parte hartzaile guztiek 2020ko otsailaren 9ra arte izango dute ipuinak aurkezteko. Orduan, epaimahaiaren lana hasiko da. Martxoaren 5ean lehiaketaren sari banaketa ospatuko dute Brontë liburu dendan.