Familian jolasean ekimenaren baitan, Arrasateko Okendoko ludoteka zabaldik egoten da 0-8 urte arteko seme-alabak dituzten familiendako. Martxoaren 27ra arte igandero egongo da zabalik, 17:30etatik 19:30etara arte.

Liburutegiaren txokoa, mahai jolasak, jolas esperimentalak, rokodromoa, margotzeko txokoa, sukaldea… hainbat gune ditu Okendoko ludotekak. Familiek eta umeek nahi duten eran antolatu ahal izango dute arratsaldea. Horrez gain, Txatxilipurdiko hezitzaileek gidatutako proposamenak egiteko aukera ere egongo da: joan zen igandean, esaterako, txokolatezko napolitanak egin zituzten.

Okendoko ludotekak 55 lagunendako edukiera dauka. Hori horrela, semaforo bitartez kontrolatuko dute momentuan momentuko edukiera ludotekan egongo diren hezitzaileek. 

Familian eta euskaraz ondo pasatzeko espazioa eskaintzea da Txatxilipurdiren helburua aurtengo neguan ere.

Iturria: Goiena.eus