Indarkeria matxista kezka handia da familien artean ere, eta arazoari aurre egiteko funtsezkoa da seme-alabak berdintasunean oinarritutako balioetan heztea. Feguiapak —Gipuzkoako ikasleen guraso elkarteen federakuntza librea— familiei zuzendutako Genero indarkeria nerabezaroan gida argitaratu zuen 2015ean Eusko Jaurlaritzaren biktimen eta giza eskubideen zuzendaritzarekin elkarlanean.

489916979_a67348edfd_o

Gida horren helburua da familiei erremintak eskaintzea nerabeen artean ematen diren genero indarkeria kasuak prebenitzeko eta detektatzeko. Adierazleak antzematen eta jokabide egokiak zeintzuk diren erakusten ahalegintzen da gida. Gurasoek eredu izan behar dutela azpimarratzen da bertan: “Garrantzitsua da mutilek eta neskek koherentzia bat ikustea eta sentitzea gurasoen diskurtsoaren eta portaeraren artean”. Emandako baliabideen artean aurkitzen dira neskak eta emakumeak aitortzea, joera matxistei duten garrantzia ematea eta ez gutxiestea, gizonen eta emakumeen ikuspegi estereotipoekin kritiko izateko baliabideak ematea, maskulinitatea berriz pentsatzea… “Nerabezaroak zenbait faktore ditu eta kontuan izan behar dituzte hezitzaileek seme-alaben arteko indarkeria harremanak ulertzeko. Ezaugarri horietako batzuk dira adina, bikote harremanetan esperientzia falta…

Argazkiaren iturria hemen.