Familientzako eskaintza berezia aurkeztu dute Gipuzkoako 44 museok

Gipuzkoako Foru Aldundiak sustatutako Kultura Saretzen egitasmoaren baitan sei gai landuko dituzte sei aste bukaeratan. Gaiak dira burdina, artea, itsasoa, historia, gastronomia eta natura. Gipuzkoa osoko 25 herriko 44 museok egin dute bat ekimenarekin. Lehen edizioa bereziki familiei zuzentzea adostu dute. Hala, ekintzak adin guztietako bisitariei egokituak izango dira.

. Otsailak 13-15. Burdina.

Zazpi museok egingo dute eskaintza: Chillida Lantokia; Burdin Arana, Mirandaola Burdinola eta Euskal Burdinaren Museoa; Zerain paisaia kulturala-burdinarenmendia; Igartza monumentu multzoa-Burdinola; Makina erremintaren museoa; eta Arditturriko parketxea.

. Otsailak 20-22. Artea.

Lau ekintza eta hiru museok hartuko dute parte programan: Topic nazioarteko txotxongilo zentroa; Cristobal Balenciaga museoa; eta Soinuenean herri musikaren txokoa.

. Otsailak 27-Martxoak 1. Itsasoa.

Hiru museok egingo dute eskaintza berezia, eta hiru tailer eskainiko dituzte: Untzi museoa, Mater ontzi museoa eta Albaola itsas kultur faktoria.

. Martxoak 6-7. Historia.

17 museok 18 ekintza eskainiko dituzte: Igartubeiti baserri museoa; Zumalakarregi museoa; Real100; Museum cemento Rezola; San Telmo museoa; Iturraran parketxea; Agorregiko burdinola eta errotak; 1950ko eskola burdin arana; Oiasso erromatar museoa; Ekainberri; Photomuseum; Done Jakue bidearen interpretazio zentroa; Zerain paisaia kulturala-herri museoa; Igartza monumentu-multzoa; Ardixarra etxea; Armagintzaren museoa; eta  Memoria historikoaren euskal interpretazio zentroa.

. Martxoak 13-15. Gastronomia.

Gipuzkoako sukaldea dastatu, usaindu, entzun eta ikusteko 6 ekintza 6 museoren eskutik. Gatz ekomuseoa; Sagardoetxea sagardoren museoa; Idiazabal gaztaren interpretazio zentroa; Txokolateixia txokolatearen interpretazioa gunea; Zerain paisaia kulturala-gazta eta sagardoaren mendia; eta Delikatuz elikadura eta gastronomia Zentroa.

. Martxoak 19-22. Natura. 

Natura inguruneak, parkeak eta erreserbak, dunak, itsasadarrak, mendiak eta ibilbideak naturaren gozamena eskainiko digute. 9 ekintza, 8 museo: Iturraran parketxea; Artzaintzaren ekomuseoa; Aikur erle museoa; Igaralde baserria; Aizkorri Aratz parke naturaleko Arantzazu parketxea; Arrikrutz Oñatiko kobak eta Pottokaleku; Eureka! zientzia museoa; eta Aizkorriko atea – Anduetza parketxea.

Informazio gehiago eta ekintzen egutegia hemen.

Argazkiaren iturria hemen.