Familientzako plana: SAIBI (946 m) (Durango – Bizkaia)

Zailtasuna: erraza / Iraupena: 45 min. (joan) / Ibilbidea: 3 km inguru / Goibehea: 241 metro.

Urkiolako gainean dagoen aparkalekutik abiatuko gara. Hasieratik erakutsiko digute bidea egurrezko geziez egindako seinaleek. Marka zuri-gorriak dira jarraitu behar ditugunak. Lehen aldapa igota Toki Alai Interpretazio Zentroa aurkituko dugu. Urkiolako parke naturalari buruzko parketxea da eta bertan erakusketa interaktibo iraunkorra dute. Esaterako, sai kolonia bat zuzenean bideo-kamera bidez ikusteko aukera dago eta parkeko ibilbide zein interesguneei buruzko informazioa ere eskaintzen dute.

Geziek markatutako bidea jarraitzen badugu gora egingo dugu eta poliki-poliki gorantz joaz iritsiko gara Saibi txikira lehenengo (857 m.) eta Saibi gainera (946 m.) ondoren. Gurutze handi batek adieraziko digu tontorrean garela. Irudia Espainiako gerran inguru horretan hildako gudarien omenezkoa da. Erdi ezkutatuta, lubaki ugari gelditzen da oraindik inguruan. Orientazio maila ere badago tontorrean. Eguraldi onarekin bista zoragarriak ikus daitezke Saibitik.

Familian egiteko txango polita. Argazkiak eta informazio gehiago hemen.