Guraso.eus egitasmoaren sare sozialetan, Pisa txostenaren inguruko albiste ugariren erreferentziak egin ditugu azken hilabeteetan. Txosten horrek hezkuntza sistemak aztertzen eta baloratzen ditu. Finlandian dute azken urteotan sistemarik arrakastatsuena, bai txosten horren arabera bai aditu askoren ustez ere.

Finlandiara begira jarri dira Hik Hasi proiektuko lagunak ere, eta entzun eta irakurritakoa bertatik bertara ezagutzeko bidaia pedagogikoa antolatu zuten Aste Santuko oporren bueltan. 65 laguneko taldea joan zen Helsinkiraino. Hilabete honetako aldizkarian hezkuntza sistema horren ezaugarri nagusienak bildu dituzte artikulu interesgarrian.

Bidaia honetan parte hartu zuen eta Bizilore eskola aktiboko bidelaguna den Idoia Larrañagarekin hitz egin dugu, nondik norakoak ezagutzeko.