EAEko Garaio Agintaritzak eta Garraioaren Lurralde Agintaritzek hartutako erabakia da. Gauzak horrela, orain arte 6 urte bete arteko haurrek bazuten garraio publikoa doan, erabaki berriaren ondorioz doakotasuna 12 urtera arte zabaltzen da.

12 urtetik beherako haurrek, doakotasun honetaz baliatzeko, ‘gazte’ txartela eguneratua izan beharko dute. Hau da, ez dute txartel berririk eskatu beharko. Hasiera batean, balioztapen prozesua honakoa izango da: haurrak txartela gidariari erakutsiko dio, eta gidariak doako paperezko txartela emango dio. Etorkizunean, autobusetako eta trenetako sistemak egokituko dira, doakotasun hau balioztapen automatikoaren bidez aplikatu ahal izateko.

Doakotasuna aplikatuko da Garraio Agintaritzaren menpeko garraiobideetan, Euskotrenen eta Bilboko Metroan. Alavabus, Bizkaibus eta Lurraldebusen kasuan lurralde bakoitzeko garraio agintaritzek erabaki dute, baina aurreikuspena da neurri berria aplikatzea.

Garraio Agintaritzaren menpeko garraiobideetan, Euskotrenen –tranbia ere Euskotrenek kudeatzen du– eta Bilboko Metroan. Lurralde bakoitzeko garraio agintaritzek erabaki beharko dituzte beraien ardurapeko zerbitzuetan. Alavabus, Bizkaibus eta Lurraldebusen, besteak beste, ikusteko dago zer egingo duten, baina aurrera egitea espero da. Neurri berria urtarrilaren amaieran edo otsailaren hasieran jarriko da indarrean.

Garraio Agintaritzak onartu duen doakotasunaz gozatzeko, 6tik 12 urtera arteko adingabeek txartel pertsonalizatua eskuratu beharko dute behin Gabonetako jaiegunak igarotzean. Otsailaz geroztik ipiniko da indarrean neurria.

Gainerakoek erdi prezioan izango dute garraio publikoa Espainiako Gobernuak hala erabakita. Espainiako Estatuak ordaintzen du %30eko deskontua, eta EAEko erakundeek ipintzen dute beste %20a, hala, erdi prezioan geratzeko bidaia –%10 jartzen du Jaurlaritzak eta %10 diputazioek eta udalek–.

2022tik dago indarrean Espainiako Gobernuaren deskontu-politika hau