GURASO AGENDA
Astero ostiraletan guraso elkarte eta gurasotasuna oinarri duten elkarte ezberdinak antolatutako ekintza, hitzaldi eta tailerren asteko agenda egiten saiatuko gara. Agenda hau elikatzeko beharrezko izango dugu elkarte ezberdinen parte hartzea. Zerbait antolatuta badaukazu eta guraso.eusen agertzeko modukoa bada bidal iezaguzu. Hauek dira aste honetan batu ditugunak, ea astero-astero eragile eta elkarte berrien hitzorduak gehitzen ditugun.
Yolanda Arrietak eta Juan Carlos Alonsok UNEDen egingo dituzten ikastaroetan izena eman daiteke
UNEDen eta Galtzagorriren arteko kolaborazioari esker, Yolanda Arrieta idazleak eta Juan Carlos Alonso psikologoak ikastaro bana egingo dute UNEDen, urrian, haur eta gazte literatura ardatz hartuta; bi ikastaroak osagarriak dira eta gure aldetik biak egiteko gomendioa egiten dizuegu.
Arrietak «Heziketa literarioan hezten» izenburua jarri dio bi egunez egingo duen ikastaroari. Irakurzaletasuna sustatzeko eta heziketa literarioan trebatzeko formazioa egingo du; alor ezberdinak landuko ditugu, hala nola baliabideak, ahozkotasuna eta irakurzaletasuna sustatzeko aholkularitza. Ikastaroa bertatik bertara edo online egin daiteke eta urriaren 8an eta 29an izango da (16:30-19:30) UNEDek Gasteizen duen egoitzan. Formazioa doan da eta izena eman daiteke jada.
Juan Carlos Alonso psikologoak «Emozio hizkuntza eta haur literatura» goiburupean, haur literaturaren ahalmen psikologikoan eta afektiboan sakonduko du. Haur literaturaren garrantzia hezkuntza afektiboan eta emozionalean azpimarratu eta emozioak (autoestimua, maitasuna, adiskidetasuna, jeloskortasuna, tristura, beldurra, bakardadea) kudeatzeko aukera ematen duela azalduko du. Formazioa urriaren 15ean eta 22an (16:30-19:30) eskainiko du UNEDeko egoitzan, Gasteizen. Izen-ematea zabalik dago eta online parte hartzeko aukera dago.
Ipuin Kontalarien XI. Maratoia azaroaren 22an
Ipuin Kontalarien Maratoia egingo dugu azaroaren 22an, larunbatean, 11:00etatik aurrera Liburutegi Nagusiko San Jeronimo aretoan. Hamaikagarren maratoia izango da eta, ohi bezala, goizean hasita arratsaldera arte luzatuko da. Kontaketak adin ezberdinetako publikoari zuzendutakoak izango dira. Erreserba egiteko aukera zabalduko dute hemen azaroaren 10ean, astelehenean, 10:00etan.
Lehenengoa Oihana Etxegibel izango da eta, kanonikoak diren ipuinetatik abiatuz, sortzen den giroa aintzat hartuko du eta kontatzeko ipuin egokienak aukeratuko dizkie 2 eta 4 urte arteko haurrei.
Ondoren, Ines Bengoak kamishibai ipuin kontaketa egingo du. 12:00etan hasiko da eta publikoa 4 eta 8 urte bitartekoa haurrek osatuko dute. Ipuin japoniarrak kontatuko ditu; antzinakoak eta gaur egungoak, ikustekoak eta entzutekoak.
Nerea Ariznabarretak eta Mariano Hurtadok ipuin kontaketa musikatua egingo dute. Saioa 17:00etan hasiko da eta 8 eta 14 urte arteko gaztetxoentzat izango da. Sioux indiarrak, tuneztarrak, bantuak eta euskal herritarrak agertuko dira haien ipuinetan.
Amaitzeko, Maider Alcelayk eta Igor Salak narrazio saio musikatua eskainiko dute 18:00etatik aurrera. Munduko zoko askotara jauzi egin, eta 15 urtetik gorakoei bidaia bat egiteko gonbidapena egingo diete.
OINARRIAK
- Gustuko liburu bati buruzko gomendioa egin beharko da. Gomendioa egiteko arte-adierazpidea aukeratu daiteke, hona bakoitzaren ezaugarriak:
- Idatzizko iruzkina: gehienez ere 1.500 karaktereko testua.
- Audio bidez egindako iruzkina: gehienez ere 2 minutuko audioa, mp3 formatuan.
- Bideo bidez egindako iruzkina: gehienez ere 2 minutuko bideoa, mp4 formatuan.
- Ilustrazio bidezkoa: A4 tamaina, horizontalean zein bertikalean, nahi den teknikarekin.
- Dramaturgia (antzezpen bat idatziz edo eginez): testu (gehienez ere 1.500 karaktere), audio (gehienez ere 2 minutu) edo bideo formatuan (gehienez ere 2 minutu).
- Literatura-lana: nahi den generoa (poesia, narratiba…), gehienez ere 3.000 karaktere.
- Liburuaren aukeraketa librea izango da, hau da, iruzkina euskarazko edozein libururen inguruan egin daiteke (jatorrizkoak zein itzulpenak). Gure webgunean liburu gomendagarrien zerrendak daude kontsultatzeko edo deskargatzeko.
- 1. saria
- 2. saria
- Sortzaile gaztea saria: epaimahaiak 12-14 urteko parte-hartzaileen lanen artean bat sarituko du.
Iruzkin 1 "GURASO AGENDA"