Ekainaren 15ean ospatuko da Araba Euskaraz. Asmoa Gasteizko Olarizuko zelaietan ospatzea zen, baina ezin izango dute hala egin Gasteizko lorezaintzako langileak greban jarraitzen dutelako. Hala ere, Arabako hiriburuan egingo dute jaia: “Azken egunetan Olarizuko parkean ospatu ahal izateko ahaleginak egin ditugu; aldeekin hitz egin dugu, baina ezin izan dugu garantiarik lortu igande honetarako Olarizuko parkea gurea bezalako jai bat ospatu ahal izateko moduan egoteko. Hori dela-eta eskenatokia mugitu egin dugu, baina aurreikusita genituen ekitaldi eta ikuskizun guztiak aurrera aterako ditugu”.

Bastida Ikastolari laguntzeko antolatu dute Arabako Ikastolen aurtengo jaia, eta urte osoko prozesua izan da.

Egitaraua

Honakoa da antolatu duten egitaraua:

Hainbat gomendio

“Egun gogoangarria, zoriontsua eta alaia izatea da” antolatzaileen nahia, eta era berean, eguna “ahalik eta erosoena” izatea nahi dute parte hartzen duten herritarrendako. Horregatik, hainbat gomendio luzatu dituzte:

  • Gasteizera etortzeko garraio publikoa erabiltzea. Autobusentzako geltokia Portal de Lasarte kalean egongo da eta autobusak Maite Zuñiga kalean aparkatzeko aukera izango dute. 
  • Ezinbestean autoetan datozentzat aparkatzeko Paseo del Peregrino kalea prestatu dute. 
  • Gasteiztik bertatik datozenei, oinez edo bizikletaz etortzeko aholkatu diete. Mendizorrotzan bizikletentzat aparkalekuak prest egongo dira.
  • Azkenik, edalontziak etxetik ekartzeko eskatu dute, edota txosnetan daudenak erabiltzen badira, txosnetan bertan edo horretarako egokituko dituzten guneetan uztea, berrerabilgarriak baitira.