Liburuzain laguntzaileak izeneko ekimena egin dute egunotan Elgetan. Herri Eskolako LH-4ko ikasleek liburutegira egindako bisita gidatuen ostean, arratsalde batez liburuzain laguntzaile izateko aukera izan dute ikasleek, eta hamarrek eman dute izena.

Astelehenean, esaterako, Maider Arantzabal Sarasuaren eta Oier Larrañaga Iriondoren txanda izan zen. Binaka antolatuta, udal liburutegiko arduraduna den Geaxi Ezpeletarekin, beste sei lagun aritu dira zeregin berdinetan beste lau arratsaldez.

Erabiltzaileei harrera egin, liburuak maileguan eman, irakurritakoak bueltan jaso, liburu bakoitza bere apalera eta bere kokalekura itzuli… Liburuzain batek egiteko asko ditu eta horiek ezagutu dituzte Elgetako neska-mutikoek. Ekimenak, gainera, liburutegiak eskaintzen dituen zerbitzuak hobeto ezagutzeko aukera eman die.