Diego Carbajo soziologoak ikerketa egin du EAEko 25-34 urteko hainbat gazte elkarrizketatuta. Tradizionalki, pertsona heldua eratzen duten ezaugarriak dira: lan eta bikote egonkorrak lortzea, etxebizitza bat jabetzan hartzea, eta familia osatzea.

Captura de pantalla 2014-12-12 a las 13.29.11

Diego Carbajo ikertzaileak gazteen estrategiak aztertu ditu, eta ondorioztatu du gaur egungo egoera sozio-ekonomikoaren ondorioz, betekizun tradizionalak apurtu egin direla, gaztetasuna luzatu egin dela, eta prekariotasuna ezarri dela heldutasunean.

Ikertzaileak gazteria kontserbadorea aurkitu du. Estrategia berritzaileak sortu dituzte baina emantzipatzeko dituzten arazoei aurre egiteko. Kontua da behin-behineko irtenbideak behin-betiko bihurtzen direla. Hala, gazteak gazte izateari uzten dio egoera prekarioan dagoen heldu bihurtzeko. Prekariotasun hori areagotu egiten da emakumeen kasuan.

Prekariotasuna

Ikertzaileak azaltzen duenez etxebizitza baten jabetza lortzeak lehentasunezko helburua izaten jarraitzen du gazteendako. Hala, 30 urte inguru betetzen dituztenean, alternatibak bilatzen dituzte pertsona heldu bati aurre-suposatzen zaizkion betekizunak betetzeko. “Gazteak estrategikoki luzatzen du bere egonaldia etxean (…) edo pisu bat alokatzen du edo konpartitzen du”. Beste helburuetako bat lan-egonkortasuna da. “Prekariotasuna gainditzeko (…) gero eta gazte gehiagok denbora gehiago erabiltzen dute etengabeko prestakuntzan eta ikaskuntzan (…). Gazteek denbora librean lan egiten dute”.

Albistearen iturria hemen.

Argazkiaren iturria hemen.