John Lewis arropa kate britainiarra albiste da hainbat dendatan sekzio bereizgarriak kendu dituelako, unisex etiketak sortu dituelako eta “genero bereizgarririk gabeko” arropa lerroa atera duelako.

The Independent hedabidearen arabera 48 denda ditu 153 urte dituen John Lewis arropa kateak eta Europako hirugarren arropa kate handiena da El Corte Ingles eta Mark & Spencer kateen ostean. Aurrerantzean, John Lewis dendatan ez dituzte bi gune berezitan aurkeztuko nesken eta mutilen arropak. Jantzi guztiak batera aurkeztuko dituzte eta 0-14 urte bitarteko umeendako arropak Boys&Girls edo Girls&Boys etiketak izango dituzte, baita ere gonek eta soinekoek.

Horrekin batera arropa lerro berria atera dute zeinek ez duen genero bereizgarririk. “Ez ditugu genero estereotipoak indartu nahi”, adierazi du John Lewiseko haurrendako arropa lerroko zuzendari Caroline Bettisek. “Gure bezeroei eskaintza zabaldu nahi diegu”.

Eztabaida ez da berria. Sarri kritikatu izan dituzte arropa dendak diseinu, mezu eta komertzializazio kanpaina sexistak egiteagatik, eta gero eta gehiago dira seme-alabak estereotipoetatik kanpo hezten saiatzen diren gurasoak.