Gaur egungo gurasook interesa izan ohi dugu seme-alabak trebatzeko zailtasunak dituzten esparruetan. Batzuetan beharrezkoa da, baina horrela jokatzen badugu luzaroan Noelia Lopez-Cheda adituaren esanetan gure emaitza ez da bilatzen dugun hori izango. Heldu kaskarrak sortuko ditugu.

Captura de pantalla 2016-06-14 a las 21.08.15

Une erabakigarria izan ohi da etxe gehienetan eskolako emaitzak iristen direnean. Konturatu gabe gure begiek emaitza kaskarrenak ikusten dituzte. Hezkuntza sistemak horrela bideratzen dituelako gauzak gurasoak notekin obsesionatuta bizi garela dio Lopez-Chedak. “Nahi dugu gure seme-alabak onenak izatea, edo gutxienez aukera guztiak aprobetxatzea eta hori nota honek ahalbidetzen dute”.

Zein da, ordea, emaitza?

Haur apatikoak ditugu, ez daude motibatuta eta arduragabekeriaz jokatzen dute orokorrean. Zer ari da gertatzen? Zergatik dirudi hain zaila? Lopez-Chedak indarguneak lantzea proposatzen du, haurrak motibatzea. Aparteko gizakiak heztera gonbidatzen gaitu.

Lopez-Chedaren ustez gaur egungo gizartean gainditu beharreko lau baldintza ematen dira:

  1. Asperraldia: Haurrak aspertuta bizi dira. Aspertzen dira eskolan, etxean… Sistemak ahalbidetzen du. Salbuespen bat egon daiteke: teknologia berriak. Baina batzuetan, teknologia berriekin ere aspertu egiten dira.
  2. Arreta falta: Orokorra da eta adituaren esanetan kanpo-estimuluen eraginez ematen da. Kanpo-estimulu gehiegi dituzte neska-mutikoek oso adin txikikoak direnetik. Ondorioa: ez dute ikasgelan arretarik ipintzen, ahaztu egiten dituzte gauza asko, ezin dira bost minutu geldirik egon…
  3. Eskaintza zabalegia dago oso adin txikikoak direnetik. Aukera hain zabalarekin zaila zaie zentratzea. Adimenak alde batetik bestera egiten du salgo: orain soinu bat, orain irudi bat…
  4. Abiadura ikaragarrian bizi gara. Abiadura gure egunerokoan txertatuta dago. Eskola gero eta laburragoak, eskolaz kanpoko jarduerak, nerabezaro gero eta goiztiarragoa…

 

Eta zer egin daiteke?

Lopez-Chedak bost gomendio egiten ditu garrantzitsua deritzolako umeek euren burua ezagutzen joatea. Zertan naiz bereziki trebea? Zerk definitzen nau? Zerk pizten du nire jakinminan eta nire grina?

  • Bultzatu berezko gaitasunak: zer egiten du gustuen? Zertan da trebea? Zer egiten du ia esfortzurik gabe? Kasu batzuetan marraztea izango da, beste batzuetan dantzan egitea, edo matematika ariketak…
  • Ahaldundu haurra: trebeziei garrantzia handia eman behar diegu. Indarguneak identifikatu eta ikus arazi egin behar ditugu, baloratu. Ez ipini lupa ahuldadeetan. Konfiantza, autoestimua eta autonomia landu behar ditugu. Esan behar diogu umeari: “Gaitasun berezi bat daukazu, baliatu”.
  • Landu emozioak: zein jarduerarekin pizten zaizkio begiak? Noiz edo zerk hunkitzen du eta zergatik? Ez dugu ahaztu behar emozioen bidez asko ere hobeto finkatzen zaizkigula ikasgaiak.
  • Esperientzia eta ingurune ezberdinak eskaini. Zirkulu eta aukera berriak eskaini, aproba egin jarduera desberdinekin… Beti da aberasgarria.
  • Gerturatu Naturara. Gizarte honek ahaztu egin du Natura lasaigarria dela, sosegua ematen duela. Gauza txikiak ikusten eta baloratzen ikasten dute umeek naturgunean, eta teknologia berrien gizarte honetan Natura sendagai indartsua da umeen adimenerako.

Artikuluaren eta irudiaren iturria hemen (gazteleraz)