Gaurkoan Shan Taun artista australiarraren Emigranteak liburua gomendatu nahi dizuegu.

Emigrazio istorio bat da. Irudi bitartez kontatua inolako hizkirik erabili gabe.

Gizon batek bere emazte eta semea  herrian utzi eta beste herrialde batera joaten da. Han guztiz ezezaguna den jendartearekin egingo du topo, hizkuntza, janaria, ohiturak, animaliak… dena izango da berria, ezberdina , arraroa…

Eraikiko duen bizitza  berrian pertsona ezberdinek lagunduko dute eta beraien istorioak ezagutzeko aukera ere izango dugu.

Marrazki bitartez kontatzen den istorio hau aproposa izan daiteke seme alabekin ikusteko. Prestatu zaitezte baina  egingo dizkizueten galderei erantzuteko! zergatik utzi ditu semea eta emaztea? Zeren beldur da?  ez du ezer ulertzen! ….

Shaun Tan artista, ilustratzaile, idazle eta zinemagile australiarra da. 2011n Astrid Lindgren Saria eskuratu zuen, Haur eta Gazte Literaturako saririk garrantzitsuenetarikoa. Marrazki bizidunetako film labur onenaren Oscar Saria ere jaso zuen 2011n, bere The Lost Thing liburuaren egokitzapenarekin.