Galtzagorri elkarteak Podcasta sortu du. Hilabetean behin haur eta gazte literatura oinarri hartuta saioa eskaintzea dute helburu.

“Gonagorri Galtzagorri Elkartearen lehenengo soinu-abentura da. Podcast-ek azkenaldian duten tiradizoa ikusita, haur- eta gazte-literaturari buruzkoa egin nahi izan dugu, eta euskaraz egin ere.”

GONAGORRI, Galtzagorriren Haur eta Gazte Literaturari buruzko podcastaren lehen saioa egin eta argitaratu dute, sexuari eta gazte literaturari eskainitakoa izan da lehena. elkarteko beraien webgunean ere lekua eskaini diote proiektuari.

Webgunean entzuteko aukera izateaz gain Spotify, Ivoox eta Baleafunk plataformen bidez ere entzuteko aukera izango da.

Miriam Luki kazetariak gidatuko ditu podcasteko elkarrizketa eta erreportaje nagusiak. kontaketak ere egongo dira eta Lore Agirrezabalek egindako liburu-gomendioarekin amaituko dira podcastak.

Lehenengo atala entzungai

Sexua eta Gazte Literatura lantzeko Mireia Delgado pedagogoa eta Galtzagorriko hainbat literatur areto eta irakurketa klubetan lan egiten duen kidea elkarrizketatu dugu. Zalantzarik gabe, gaia gurean oso landuta ez badago ere, Delgadok badu iritzia, badu eskarmentua eta badu jakintza. Bien bitartean, Antton Kazaboni eskatu genion Erotik (Denonartean, 2020), Jokin Mitxelena ilustratzailearekin ondutako liburuaren irakurketa-kontaketa bat egiteko. Sexuari lotutako liburu-gomendioa Lore Agirrezabalen ahots eztiari eskatu diogu.

https://www.galtzagorri.eus/eu/gonagorri-podcast-a

Ahozko ondarea ura bezalakoa da, ez dago sekula geldirik eta kontatzen dugun aldiro biziberritzen da. Mitoak, alegiak, baladak… Den-denak dira ahozkotasunaren erreinukoak eta, badakizu? Gazteen eremukoak dira. Gaztaroan barruan lehertzen den sumendiari jarritako hitzak dira mitoak. Izan ere, gazteei tradizio bat ez badiegu jartzen, beren kabuz asmatuko dutela kontatu digu Juan Kruz Igerabide idazleak

Sexualitatea arantzaz bete dugun gaietako bat da, eta arantzak are gehiago zorrozten dira gaia haurrei eta gazteei ematen diegunean. Baina, sexualitatea fikzioaren pasaiaren parte da, bizitzan bezala fikzioan ere sexua gertatzen delako. Gaia lantzerakoan, beraz, errezetek ez dute balio, ezta irakasgai jakinen mesedetan eraikitako narrazioek ere, irakurleek iruzurra usaintzen dute eta. Honetaz guztiaz Mireia Delgado pedagogoarekin hitz egin dugu.