Gurasotasunetik sexualitatea bizitzeko moduak eta haurrekin honetaz hitz egiteko ikuspegi, baliabide eta tresnak ondo etorriak izango dira. Oinherri elkarteak hezitzaile eta haurren bidelagun den pertsonei zuzendutako tresna sortu du. Arrate Gaztelu eta Aitziber Leoz elkarteko langileekin hitz egin dugu tresna honetaz eta egindako ibilbideaz.

Aisialdi hezitzailea eta hezkuntza ez-formala gune pribilegiatuak dira sexualitatea modu naturalean eta egokian lantzeko. Eskolako sexu-hezkuntza garrantzitsua den arren, sarritan ikuspegi biologizistara edo arriskuen prebentziora mugatzen da. Aisialdian eta eskolaz kanpoko hezkuntzan, ordea, harremanak eta bizipenak modu irekiagoan eta informalean aztertzeko aukera dago. Gainera, abantaila esanguratsuak ditu, hurbiltasuna eta konfiantza, eredu alternatiboak sortzea, plazeraren eta autonomiaren ikuspegia lantzea, edota elkarrizketa eta zalantzak argitzeko aukera gehiago izatea, esaterako. 

Herrietako edozein norbanako, elkarte edo eragile bertaratu daitekeen arren, hezitzaileei, familiei eta haur eta gazteekin lan egiten duten bestelako profesionalei zuzenduta dago bereziki jardunaldia, eta doakoa izango da.

Jardunaldian izena emateko ondorengo galdetegia bete beharko da: https://labur.eus/ao7qgltp