Arrasateko Udalak, gurasoentzako seme-alaben heziketaren inguruko hitzaldi eta tailerrak antolatu ditu. “Gurasoen hezkuntza-lanari babesa ematea” eta “gurasoei egunerokotasunean sortzen zaizkien kezka eta zailtasunak konpartitzeko guneak eskaintzea” da helburua.

Guztira, hiru hitzaldi eta bi tailer antolatu dituzte. Horietatik bi Gipuzkoako Foru Aldundiko Gazteria Zuzendaritzaren TREBA Gurasoak programarekin elkarlanean.

Hiru hitzaldi

Hitzaldiei dagokienez, hiru saio izango dira, Kulturateko liburutegian guztiak, 18:00etan:

  • Urriak 27, astelehena: Drogen kontsumoaren prebentzioa familiatik. Ixone Akarregi eta Ainhoa
    Lauzirikarekin, Areto Nagusian.
  • Azaroak 6, osteguna: Arauak eta mugak familian. Nola ezarri era asertibo batean. Leyre Canorekin, Loramendi gelan.
  • Azaroak 10, astelehena: Gure emozioak kudeatzen, seme-alaben bidelagun izateko. Miren Rosekin, Areto Nagusian.

Tailerrak hilean behin

Tailerrak berriz, hilean behin egingo dira asteazkenetan, eta bakoitzak 7 saio izango ditu:

  • Hasiera eta haur masaje tailerra (0-2 urte): Haurraren garapena ezagutzea, atxikimendu irudiarekiko harremana, mugimendu askea, norberaren eta ingurunearen esplorazio askea, gurasoen eta haurren arteko harreman-lotura, masajea eta gurasoen osasuna.

Txikitxokoan, asteazkenetan, 10:00etatik 11:30era Txikitxokoan: azaroak 5, abenduak 10, urtarrilak 14, otsailak 18, martxoak 25, apirilak 15 eta maiatzak 13.

Dinamizatzaileak: Itziar Rosado eta Jon Urdineta

  • Bizipen tailerrak (2-6 urte): Haurra ulertzen dugu? Amorrua, agresibitatea, limiteak, jolasa eta bere onurak, sozializazioa eta eskola, auto erregulazioa eta autokontrola. Zer da guraso izatea? Gustura egiten dugu? Hobetu dezakegu? Zerbait berria probatu nahi duzu? Zer transmititzen diegu? Haurraren beharrak eta gure beharrak.
  1. Arizmendi Ikastola, Olarte, asteazkenetan, 17:00etatik 19:00etara: azaroak 5, abenduak 10, urtarrilak 14, otsailak 18, martxoak 25, apirilak 15, maiatzak 13.
  2. Arrasate Herri Eskola, Erguin, asteazkenetan, 17:00etatik 19:00etara: azaroak 12, abenduak 17, urtarrilak 21, otsailak 25, martxoak 18, apirilak 22, maiatzak 6.

Dinamizatzailea: Itziar Rosado

Izena emateko, izenemateak.arrasate.eus iturburuan edo 943 25 20 00 telefono zenbakira deituta egin daiteke.