“Gure haurrak ipuinak irakurtzen oheratu behar ditugu eta ez telebista ikusten” Francesco Tonucciren hitzak izan ziren hauek aspaldi eskainitako hitzaldi batean. Jolasaren aldarria egiteaz gain ipuina entzutearen garrantziaz ere jardun izan du Tonuccik bere ibilbidean.

Zientifikoki ere azterketa ezberdinen bitartez, ipuinak entzuteak garunaren garapenean duen eragina frogatzen duten ikerketa ezberdinak egin dira. Pedagogo eta zientzialariak ados beraz; haurrei ipuinak kontatu eta irakurtzea onuragarria da.

Ipuinak balioan jartzeko antolatzen dute Ozaetako garaiOn elkarteko lagunek “Ipuinen eguna” urtero. Irailaren 13 eta 14an izango da aurten, goiz eta arratsaldez ipuin kontalariak izango dira. Egitasmoak, lekuak eta giroak merezi dute. Aste honetako Familia plana beraz: Ipuinen eguna

Larunbatean, hilak 13, bi saio izango dira, 12:30ean eta 17:00etan. Han arituko dira Joxe Aldasoro, Marta Alzate, Imanol Arabaolaza, Eneko Haritza, Maddalen Cuñado eta Dorleta Kortazar. Igandean, berriz, Josune Garcia de Bikuñak 12:30ean ‘Txoriak Bezala’ ikuskizuna emango du, musika eta dantzaren bidez “askatasuna” eta “ahots propioa” aldarrikatzen dituen proposamen batean murgilduz.

Sarrerak 7 euro balio du goizeko edo arratsaldeko saiorako, eta 10 euro egun osorako. Parte hartzeko aurrez izena eman behar da: garaionsorgingunea@gmail.com helbidean edo 600 689 677 telefonoan, WhatsApp bidez