Ekoetxea ingurumen-hezkuntzako zentroen sarea da eta IHOBEk kudeatzen du. Gaur egun, Urdaibain, Meatzaldean, Txingudin eta Azpeitian ditu zentroak proiektuak eta urtero 120.000 pertsonatik gora jasotzen dituztela adierazi dute. Natura eta biodibertsitatearekin lotutako jarduera eta proposamenak antolatzen dituzte, eta asteburuan ere bada zertan parte hartu. Ekintzetan parte hartzeko izena eman behar da webgunearen bidez.

Urdaibaiko jarduerak

Zapatuan, helduek kosmetika naturala egiteko aukera izango dute, xaboia eta xanpu solidoa egiteko teknikak ikasiko baitituzte, eskuz eta osagai naturalekin. Haurrek ere izango dute zer egin. Izan ere, kaleidoskopioa bat egingo dute etxean dauzkaten materialei bizitza berri bat emanez.

Domekan, jolasa egingo dute. 15 erronkak osatutako jokoan, parte hartzaileek zuhaitz espezie desberdinak ezaguten dibertitzeko aukera izango dute. Jolasa bakarka edo taldetan egin daiteke, horretarako, parte hartzaileek mapa bat edukiko dute, erronka ezberdinak non dauden esanez.

Meatzaldeko jarduerak

Hilaren 12an, haur-jolasa egingo dute eta generoa landuko dute jolas horietan jostailuekin. Neskentzako edo mutilentzako dira? Hala denentzeko?

Azpeitiko jarduerak

Igandean, landareen irudiak sortuko dituzte. Kolore bakarreko argazki-prozesura erabiliz, kolore urdinean jatorrizko landare konposaketaren kopia negatiboa lortuko dute paperean. Izena martxoaren 10a baino lehen eman behar da.