Hainbat aste pasa dira ikastetxeak itxi eta etxean konfinamendua hasi zenetik. Egun guzti hauetan, familia erdaldunetako seme-alaba ugariri asko murriztu zaie euskaraz aritzeko aukera, eta beraiekin hitz egiteko mintzapraktika sare sendoa osatu dute Bilbo Handian. 

Dagoeneko, 450 etxe baino gehiagotara heldu dira, eta eskaeraren handitasunari eutsi ezinik boluntario gehiagoren bila dabiltza; haurrekin astean pare bat egunetan telefonoz euskaraz arituko direnak. Izan ere, momentu honetan, mintzapraktikan ari den ume bakoitzeko beste hamar ume saretik kanpo gelditzen dira. 

Eskaera kopurua ikusita, gainera, Euskal Herri osora zabaldu dute deia: hemendik ikasturtea bukatu arte astean bizpahiru aldiz 15 minutuko deiak egiteko prest daudenak honako estekan eman dezakete izena.

Donostian ere boluntario sare bat jarri da martxan, kasu honetan Lehen Hezkuntzako haurrei euskarazko eskolako lanetan laguntzeko edo haiekin euskaraz hitz egiteko. Informazio gehiagorako deitu 680 671 818 telefono zenbakira.

Argazkiaren iturria hemen.