Oinez egin beharko genuke gehiago umeen gaitasunak eta jarduera fisikoarekiko ohitura osasuntsuagoak bultzatzeko.

Captura de pantalla 2015-10-08 a las 18.34.23

Toronton (AEB) egin dute beste ikerketa bat, St. Michael ospitalean. Ondorioztatu dute adin txikiko umeak dituzten gurasoek behar baino gehiagotan erabiltzen dituztela haur txikiak eramateko kotxeak. Denbora faltagatik, erosotasunagatik… umea haur-kotxean sartuta egiten dugu alde batetik bestera. Gizartean orokortzen ari den ohitura da, eta ondorio kaltegarriak izan ditzake.

Pediatrek aholkatzen dute ume txikiekin paseoan egiteko. Gero eta sedentarioagoa den gizartean ume ez aktiboak heztera garamatza haur-kotxea gehiegi erabiltzeak.

Ikertzen jarraitzen dute

Ikertzaileek lotura egin dute haur-kotxeen erabileraren eta ume txikien aktibitate ezaren artean. Catherine Birken doktoreak gidatu duen ikerketa berri hau, eta martxan da oraindik ere. Lagin txiki batekin egin dute lehen ikerketa; 1-5 urte bitarteko umeak dituzten 14 guraso elkarrizketatu dituzte. Argitu nahi izan dute zergatik ematen den haur-kotxeen erabilera gero eta handiagoa. Hala, galdetu diete gurasoei zeintzuk diren haur-kotxea erabiltzearen arrazoiak. Gurasoek garraioa, biltegiratzea, haurren zaintza ziurtatzea eta norberaren jarduera fisikoa argudiatu dituzte.

Lagin txikiarekin ateratako ondorioa da, baina baieztatu egiten du ikertzaileen hasierako hipotesia. Kezkatuta daude umeen aktibitate ezarekin eta neurri batean txikitatik hartzen diren ohitura hauekin ere lotzen dute fenomeno hori. Hala, gomendioa da ahal den neurrian umeekin oinez ibiltzeko.

Haur-kotxearen erabilera kontzientea egin behar dela diote, neurtua. Helburua da umearen garapena kontuan hartzea, haren gaitasunak bultzatzea eta jarduera fisikoarekiko jarrera egokiak sustatzea. Adituek haur-kotxearen erabilera gutxitzeko gomendatzen dute.

Ikerketak aurrera jarraitzen du, baina hausnarketa pertsonalerako lehen gakoak bota dituzte ikertzaileek.

Albistearen iturria hemen.

Argazkiaren iturria hemen.