Ikasturtea hasi da;  ikastetxe, eragile eta  elkarte ezberdinek ekin diote 2024-2025 ikasturteari. Gero eta konplikatuagoa dirudien jendartean, bakoitzak bere esparruan dihardu  bide egiten. Ikasturte hasiera honetan erronkei erantzun  eta egitasmo berriak martxan jartzeko ilusioa ere antzematen da.  Guraso.eus egitasmotik, hezkuntza eragile ezberdinen ikasturte hasiera ezagutu nahi dugu. Aitzakia honekin, Maite Azpiazu Errazkin, Aitziber Leoz Etxarri eta Arrate Gaztelu Agirrerekin hitzordua egin genuen, Oinherri, Herri Hezitzaileen sareko  kideak dira eta ikasturte hasierako bilera batean gerturatu gara beraiengana.

Oinherri egitasmoa ezagutu eta ikasturteko erronkez galdetzeaz gain, Herri Hezitzailearen eraikuntzan gurasook izan dezakegun rolaz ere hitz egin dugu.