Haurrak eta filosofia

Seme alaben pentsatzeko gaitasuna aintzat hartzen al dugu?? Filosofatzeko gai direla uste dugu??
Gaur 8ko erreportaje honetan haurrentzako filosofia tailerrak aurkeztu dituzte, haurrekin batera pentsatzeko tailerrak omen dira, beraien berezko gaitasunak azalarazteko aitzakia.

“haurrei ez zaie irakasten, pentsatzen lagundu baizik. «Haurrekin filosofiaz aritzeko erabiltzen dugun metodoak hankaz gora jartzen du egun hezkuntza formalean erabiltzen den ikasketa metodologia.”
Galderen bidez ziztatu egiten ditugu haurrak, urrunago joan daitezen bultzatzen ditugu; oso sinplea ikusten den horri bi buelta gehiago ematera behartuz. Beraz, esan daiteke ez garela irakasleak, erraztaileak baizik»,

Miren Camison eta Imanol Alvarez dira tailer hauen arduradunak, biek ezagutzen dute hezkuntza formala. Haur Hezkuntzan eta Bigarren Hezkuntzan eskolak emana da Camison, Alvarezek, aldiz, Filosofia eskolak ematen ditu Bigarren Hezkuntzan. Hori hala, biek ezagutzen dituzte hezkuntza formaleko metodologiak dituen miseriak, eta horiek gainditzeko lan egiten dute.
Etxean ere guraso moduan interesgarria izan daiteke, seme alaben filosofatzeko gaitasuna bultzatzea. Zer diozue??